घर होना चाही.....

 ......घर होना चाही.....

-------------------------------------

मनखे अस त मों मया ल,

फरे हस त गुत्तुर फर होना चाही|

कर मनके;मन ल भाय त,

फेर ऊप्पर वाले के,डर होना चाही|

इतराबे धन के राहत ले,

फेर मरे म नसीब कबर होना चाही|

अत्तीक झन भूला अपनेच म,

दुनिया के घलो खबर होना चाही|

बड़े नई होय कोनो धन-दऊलत ले,

बड़का बने बर छाती जबर होना चाही|

चाहे महल-अटारी;फ्लेट ;बंगला राहय,

फेर वोला सबले पहिली घर होना चाही|

               जीतेन्द्र वर्मा"खैरझिटिया'

                   बाल्को(कोरबा)