chhattisgarhi chhand

जयकारी छंद(जनउला)

जड़काला मा जे मन भाय।
गरमी घरी अबड़ रोवाय।
बरसा भर जे फिरे लुकाय।
जल्दी बता चीज का आय।1
---------------------------------
आघू मा बइठे रोवाय।
नइ खाये जी तभो खवाय।
कान धरे अउ अबड़ घुमाय।
काम होय अउ छोड़ भगाय।2
---------------------------------
घर भीतर हे सीटी मार।
बइठे धरे भात अउ दार।
कोनो नइ ओला खिसियाय।
हेर हेर के सब झन खाय।3
---------------------------------
हावय जेखर दू ठन गोड़।
बइठे ददा पालकी मोड़।
गोड़ तिरइयाँ के हे चार।
झटकुन बोलव सोच बिचार।4
---------------------------------
हाँड़ी के सबदिन आधार।
खाये सबझन भूँज बघार।
रंग भूरवा रहिथे गोल।
राजा हरे नाम तैं बोल।5
-------------------------------

जीतेन्द्र वर्मा"खैरझिटिया"
बालको