ग़ज़ल -जीतेंन्द्र वर्मा'खैरझिटिया'*

 ग़ज़ल -जीतेंन्द्र वर्मा'खैरझिटिया'*

*बहरे रमल मुरब्बा सालिम*

*फ़ाइलातुन फ़ाइलातुन*

*2122 2122*

पैदा होवत पर निकलगे।

फूल के बिन फर निकलगे।1

बाहिरी मा खोज होइस।

चोर घर भीतर निकलगे।2

दू भगाये लड़ते रहिगे।

पेट तीसर भर निकलगे।3

सर्दी अउ खाँसी जनम के।

आज बड़का जर निकलगे।4

घुरघुरावत जी रिहिस बड़।

हौसला पा डर निकलगे।5

गाय गरुवा मन घरे के।

सब फसल ला चर निकलगे।6

जेन ला झमझेन दाता।

साँप वो बिखहर निकलगे।7

जीतेन्द्र वर्मा"खैरझिटिया"

बाल्को, कोरबा(छग)